लग्नसराई 2026 · लग्ने 21 नोव्हेंबरपासून · गर्दीत जलद बिल, उधारीची मर्यादा · 14 दिवस सगळं फ्री, मग ₹0 Free प्लॅन किंवा ₹199/महिना · दुकानाची तयारी (हिंदी) · सेल पोस्टर

गाईड · GST बिल

GST बिल कसे बनवायचे: कपड्याच्या दुकानासाठी, मोबाईलवर

Tap & Bill टीम · अपडेट · हिंदी में · ગુજરાતીમાં · English

कपड्याच्या दुकानाचं GST बिल कसं बनतं?

GST बिलावर (टॅक्स इन्व्हॉइस) दुकानाचा GSTIN, क्रमाने बिल नंबर आणि तारीख, प्रत्येक वस्तूचा HSN, डिस्काउंटनंतरची करपात्र रक्कम, GST % आणि महाराष्ट्रातल्या विक्रीसाठी CGST + SGST अर्धे-अर्धे असतात. 22 सप्टेंबर 2025 पासून तयार कपड्यांवर एका पीसची किंमत ₹2,500 पर्यंत असेल तर 5% आणि त्यापेक्षा जास्त असेल तर 18% GST आहे, प्रत्येक पीसवर वेगळा. मोबाईलवर बनवायचं असेल तर बिलिंग ॲपमध्ये GSTIN एकदा टाका, “कपड्यांचा नियम” निवडा आणि बिल बनवा: GST प्रत्येक पीसवर आपोआप मोजला जातो.

कायम फ्री: महिन्याला 60 बिलं + 10 ऑटो WhatsApp बिलं · पैसे भरायचे प्लॅन ₹199/महिना पासून (किंवा Basic ₹1,499/वर्ष), GST वेगळा लागत नाही · WhatsApp वर विचारा · फ्री डेमो

कार्ड नाही · ॲपमध्ये जाहिराती नाहीत · तुमची बिलं, ग्राहक आणि उधारी तुमचीच: पैसे भरले नाहीत तरी काहीही डिलीट होत नाही

GST बिलावर काय हवं

कपड्याच्या दुकानाचं GST टॅक्स इन्व्हॉइस, भाग करून: GSTIN, बिल नंबर, HSN कोड, करपात्र रक्कम, CGST आणि SGST, एकूण
GST बिलाचे भाग, क्रमांकासह (चित्र इंग्रजीत).
तपशीलबिलावर काय लिहायचं
दुकानाची माहितीनाव, पत्ता आणि 15 अक्षरांचा GSTIN (महाराष्ट्राचा GSTIN 27 ने सुरू होतो)
बिल नंबरक्रमाने, 16 अक्षरांपर्यंत; एका आर्थिक वर्षात एक नंबर एकदाच
तारीखबिलाची तारीख
ग्राहकग्राहक GST नोंदणीकृत (B2B) असेल तर त्याचं नाव, पत्ता आणि GSTIN; सामान्य ग्राहकासाठी ₹50,000 किंवा जास्तच्या बिलावर नाव-पत्ता
HSNप्रत्येक वस्तूचा HSN: ₹5 कोटीपर्यंतच्या उलाढालीत 4 अंक (B2B बिलावर गरजेचा)
वस्तूची ओळवस्तू, नग, दर, डिस्काउंट आणि करपात्र रक्कम (डिस्काउंटनंतर)
टॅक्सGST % आणि रक्कम: महाराष्ट्रातल्या विक्रीवर CGST + SGST अर्धे-अर्धे
सहीदुकानदाराची सही

ही यादी CGST नियम 46 प्रमाणे आहे. सगळे कॉलम असलेलं मराठी GST बिल फ्री: A4 PDF · Excel (फॉर्म्युलासह) · सगळे फॉरमॅट: मराठी बिल बुक फॉरमॅट.

कपड्यांवर GST: 5% की 18%?

एका पीसची किंमत (डिस्काउंटनंतर, GST आधी)GST22 सप्टेंबर 2025 पूर्वी
₹2,500 पर्यंत5%₹1,000 पर्यंत 5%, त्यावर 12%
₹2,500 पेक्षा जास्त18%12%

नियम पूर्ण बिलावर नाही, प्रत्येक पीसवर लागतो: ₹6,000 च्या बिलात ₹1,200 ची कुर्ती 5% मध्ये आणि ₹3,000 चा लेहेंगा 18% मध्ये. डिस्काउंट आधी वजा होतो: ₹2,700 च्या शर्टवर ₹270 सूट दिली तर ₹2,430 होतात आणि 5% लागतो. साडी आणि कापडावर (फॅब्रिक) 5% आहे. बेल्ट, बॅग किंवा परफ्यूमसारख्या इतर वस्तूंचा दर वेगळा असतो. दर तुमच्या CA कडून खात्री करून घ्या.

उदाहरण: पुण्याच्या दुकानात MRP वालं GST बिल

बऱ्याच दुकानांत टॅगवरची किंमत GST धरून (MRP) असते: ग्राहक टॅगइतकेच पैसे देतो, आणि बिलात त्यातून GST वेगळा दिसतो. ॲपमध्ये याला “किंमतीत GST धरलेला” म्हणतात.

वस्तूटॅग (GST सह)करपात्र रक्कमGSTCGST + SGST
कॉटन कुर्ती₹1,050₹1,0005% = ₹50₹25 + ₹25
लेहेंगा₹3,540₹3,00018% = ₹540₹270 + ₹270
एकूण₹4,590₹4,000₹590₹295 + ₹295

ग्राहक ₹4,590 च देतो. ₹2,500 ची मर्यादा टॅगवर नाही, GST काढल्यानंतरच्या किंमतीवर पाहिली जाते: लेहेंग्याच्या ₹3,540 मधून GST काढला की ₹3,000 होतात, जे ₹2,500 पेक्षा जास्त, म्हणून 18%. टॅग GST शिवाय असेल (“GST वरून लावतात”) तर ₹1,000 चा शर्ट 5% सह ग्राहकाला ₹1,050 ला पडतो. तुमच्या किंमतींसाठी गणित: GST calculator for clothes.

मोबाईलवर GST बिल कसं बनवायचं: 5 स्टेप

  1. GSTIN टाका

    सेटिंग्ज → GST मध्ये दुकानाचा 15 अक्षरांचा GSTIN टाका (महाराष्ट्रात 27 ने सुरू होतो). ॲपमध्ये किंवा वेब डॅशबोर्डमध्ये, एकदाच. GSTIN शिवाय GST निवडता येत नाही.

  2. GST चा नियम निवडा

    “तुमचं दुकान GST लावतं का?” मध्ये “कपड्यांचा नियम” निवडा (एका पीसला ₹2,500 पर्यंत 5%, त्यावर 18%). मग “तुमचे किंमतीचे टॅग”: टॅगवरची किंमत GST धरून असेल तर “किंमतीत GST धरलेला”, नसेल तर “GST वरून लावतात”.

  3. प्रत्येक बिल आपोआप टॅक्स इन्व्हॉइस

    GST चालू झालं की प्रत्येक बिल टॅक्स इन्व्हॉइस बनतं: TAX INVOICE, प्रत्येक वस्तूचा HSN आणि GST %, CGST + SGST, पुरवठ्याचं ठिकाण (27-Maharashtra) आणि सही. वेगळं बटण नाही. HSN कोड “वस्तू व किंमती” मध्ये प्रत्येक वस्तूवर टाका.

  4. बिल बनवा

    वस्तूवर टॅप करा, ग्राहकाचा मोबाईल टाका आणि “सेव्ह करा आणि प्रिंट करा” दाबा. व्यापारी ग्राहक (B2B) असेल तर “ग्राहकाची माहिती” मध्ये त्याचा GSTIN टाका; तो बिलावर छापला जातो.

  5. महिन्याला CA ला GST रिपोर्ट

    रिपोर्टमध्ये “GST रिपोर्ट” दाबा: दरानुसार, B2B आणि HSN सारांश Excel मध्ये मिळतो (पैसे भरायच्या प्लॅनमध्ये; Free प्लॅनमध्ये फक्त 7 दिवसांचे रिपोर्ट). तो CA ला द्या; रिटर्न CA भरतात.

सेटिंगनंतर प्रत्येक बिल 30 सेकंदांपेक्षा कमी वेळात होतं: GST प्रत्येक पीसवर आपोआप, बिल नंबर क्रमाने, बिल थर्मल प्रिंटरवर छापलं जातं आणि ग्राहकाला WhatsApp वर PDF जाते. बिलाची PDF मराठीत बनू शकते; फोनवरून थेट छापलेली थर्मल पावती इंग्रजीत असते. साधं बिल मोबाईलवर कसं बनतं: 4 स्टेप.

GST नंबर नसेल तर कोणतं बिल?

तुमचं दुकानबिलॲपमध्ये “तुमचं दुकान GST लावतं का?”
GST नोंदणी नाहीसाधं बिल: GSTIN किंवा टॅक्स नाही, GST घ्यायचा नाही“GST नाही”
रेग्युलर GSTटॅक्स इन्व्हॉइस: GSTIN, HSN, CGST + SGST“कपड्यांचा नियम” किंवा “सगळ्यावर एकच दर”
कंपोझिशन डीलरबिल ऑफ सप्लाय: GST नाही, वर “Composition taxable person, not eligible to collect tax on supplies”“कंपोझिशन डीलर (बिल ऑफ सप्लाय)”

फक्त माल विकणाऱ्या दुकानाला महाराष्ट्रात साधारण वर्षाची उलाढाल ₹40 लाखांच्या वर गेली की GST नंबर घ्यावा लागतो (सेवेसाठी ₹20 लाख); काही प्रकरणांत कमी उलाढालीतही लागतो, उदा. दुसऱ्या राज्यात विक्री. तुमचं प्रकरण CA ला विचारा. Tap & Bill मध्ये GST नसलेल्या दुकानाची या आर्थिक वर्षातली विक्री ₹20 लाख आणि ₹35 लाख पार झाली की ॲप आठवण करून देतं; निर्णय CA सोबत घ्या. हिंदीत सविस्तर: GST नंबर कब लेना पड़ता है.

GST बिलात होणाऱ्या नेहमीच्या चुका

  • पूर्ण बिलावर एकच दर: ₹2,500 वरच्या पीसवर 5% लावला तर कमी GST भरला जातो; खालच्या पीसवर 18% लावला तर ग्राहकाकडून जास्त घेतला जातो.
  • डिस्काउंटआधीच्या किंमतीवर GST: GST सूट दिल्यानंतरच्या किंमतीवरच लागतो.
  • MRP वर पुन्हा GST: टॅग GST धरून असेल तर वरून GST लावू नका; त्यातून काढा.
  • बिल नंबरमध्ये गॅप किंवा एकच नंबर दोनदा: हाताने बिल बुकमध्ये हे सगळ्यात जास्त होतं.
  • GST नंबरशिवाय बिलावर GST: नोंदणीशिवाय GST घेऊ नका.

Tap & Bill मध्ये काय नाही

  • दुसऱ्या राज्यातल्या विक्रीचं IGST बिल, ई-इन्व्हॉइस आणि ई-वे बिल नाही: Tap & Bill राज्यातल्या दुकानाच्या काउंटरवरच्या विक्रीसाठी (CGST + SGST) आहे.
  • GST रिटर्न ॲप भरत नाही; GST रिपोर्ट CA च्या मदतीसाठी आहे. खरेदी बिलं आणि इनपुट टॅक्स क्रेडिटचा हिशोबही नाही.
  • iPhone ॲप नाही; iPhone किंवा iPad वर Safari मध्ये वेब ॲप चालतं.

GST बिल प्रत्येक प्लॅनमध्ये आहे, ₹0 Free प्लॅनमध्येही; पैसे भरायचे प्लॅन Basic ₹199/महिना (किंवा ₹1,499/वर्ष) पासून, GST वेगळा नाही; पहिले 14 दिवस फ्री, कार्ड नाही. सगळे प्लॅन: Tap & Bill मराठी · Pricing (English).

स्रोत: CGST नियम 46 आणि 49; कपड्यांचे दर: GST कौन्सिलची 56 वी बैठक, 22 सप्टेंबर 2025 पासून; नोंदणीचे दिवस: CBIC परिपत्रक 257/03/2026-GST. ही माहिती समजण्यासाठी आहे, टॅक्सचा सल्ला नाही.

नेहमी विचारले जाणारे प्रश्न

जीएसटी बिल कसे बनवायचे?

GST बिलावर दुकानाचा GSTIN, क्रमाने बिल नंबर, तारीख, प्रत्येक वस्तूचा HSN, करपात्र रक्कम, GST % आणि CGST + SGST लिहा. हाताने बनवायचं असेल तर फ्री मराठी फॉरमॅट वापरा; मोबाईलवर बनवायचं असेल तर बिलिंग ॲपमध्ये GSTIN एकदा टाका आणि “कपड्यांचा नियम” निवडा, मग GST आपोआप मोजला जातो.

जीएसटी नंबर म्हणजे काय?

GST नंबर (GSTIN) हा GST नोंदणीनंतर मिळणारा 15 अक्षरांचा नंबर आहे. पहिले 2 अंक राज्याचा कोड (महाराष्ट्र: 27), पुढची 10 अक्षरं तुमचा PAN, आणि शेवटची 3 अक्षरं नोंदणीचा क्रम आणि तपासणीसाठी. हा नंबर टॅक्स इन्व्हॉइसवर छापावा लागतो.

जीएसटी नंबर कधी काढावा लागतो?

फक्त माल विकणाऱ्या दुकानाला (कपडे, चप्पल, किराणा) महाराष्ट्रात वर्षाची एकूण विक्री ₹40 लाखांच्या वर गेली की GST नंबर घ्यावा लागतो; शिलाईसारखी सेवाही देत असाल तर ₹20 लाखांची मर्यादा लागू शकते. दुसऱ्या राज्यात माल विकत असाल तर विक्री कितीही असली तरी आधी नंबर हवा. मर्यादा ओलांडल्यापासून 30 दिवसांत अर्ज करा. तुमचं प्रकरण CA ला विचारा.

जीएसटी नंबर कसा काढायचा, आणि किती दिवस लागतात?

gst.gov.in वर स्वतः किंवा CA मार्फत अर्ज करा: PAN, आधार, फोटो, दुकानाच्या पत्त्याचा पुरावा आणि बँक खात्याची माहिती लागते. CBIC परिपत्रक 257/03/2026-GST (26 ऑक्टोबर 2026) नुसार आधारने पडताळलेल्या अर्जावर 7 कामाचे दिवस, आधार नसेल किंवा दुकानाची तपासणी झाली तर 30 दिवस; ठरलेल्या वेळेत कारवाई झाली नाही तर नोंदणी मंजूर मानली जाते. हिंदीत सविस्तर: GST रजिस्ट्रेशन कितने दिन में मिलता है.

कपड्यांवर GST किती आहे?

22 सप्टेंबर 2025 पासून तयार कपड्यांवर एका पीसची किंमत (डिस्काउंटनंतर, GST आधी) ₹2,500 पर्यंत असेल तर 5%, जास्त असेल तर 18%. साडी आणि कापडावर 5%. दर प्रत्येक पीसवर वेगळा पाहिला जातो, पूर्ण बिलावर नाही.

CGST आणि SGST म्हणजे काय?

महाराष्ट्रातल्या विक्रीवर GST दोन सारख्या भागांत लिहिला जातो: CGST (केंद्राचा) आणि SGST (राज्याचा). 5% GST म्हणजे 2.5% CGST + 2.5% SGST; 18% म्हणजे 9% + 9%. दुसऱ्या राज्यात विक्रीवर IGST लागतो, जो Tap & Bill मध्ये नाही.

टॅक्स इन्व्हॉइस म्हणजे काय (tax invoice meaning)?

टॅक्स इन्व्हॉइस म्हणजे GST नोंदणी असलेल्या दुकानाने दिलेलं विक्रीचं बिल, ज्यावर GSTIN, HSN आणि GST ची रक्कम वेगळी दाखवलेली असते. व्यापारी ग्राहक याच बिलावर GST ची वजावट (ITC) घेतो.

MRP मध्ये GST धरलेला असेल तर बिल कसं बनतं?

ॲपमध्ये “तुमचे किंमतीचे टॅग” मध्ये “किंमतीत GST धरलेला” निवडा. ग्राहक टॅगइतकेच पैसे देतो, आणि बिलात त्यातून करपात्र रक्कम आणि GST वेगळे दिसतात. उदा. ₹1,050 ची कुर्ती: ₹1,000 + ₹50 GST.

GST नंबरशिवाय बिल देता येतं का?

हो, दुकानाची GST नोंदणी नसेल तर. तेव्हा साधं बिल द्या, बिलावर GST लिहू नका आणि घेऊ नका. ॲपमध्ये “GST नाही” निवडा. कंपोझिशन असलेलं दुकान “बिल ऑफ सप्लाय” देतं.

GST रिटर्न ॲप भरतं का?

नाही. Tap & Bill महिन्याचा GST रिपोर्ट (दरानुसार, B2B आणि HSN सारांश) Excel मध्ये देतं, जो तुम्ही CA ला देता; रिटर्न CA भरतात.

फ्री डेमो बुक करा

आम्ही एका कामाच्या दिवसात कॉल किंवा WhatsApp करून तुमच्या वस्तू, HSN आणि दरांसह GST बिल बनवून दाखवू.

  • फोन किंवा व्हिडिओ कॉलवर 10 मिनिटांचा डेमो
  • 14 दिवस फ्री ट्रायल, कार्ड लागत नाही
  • तुमच्या वस्तू आणि किंमती आम्ही तुमच्यासोबत सेट करू

आत्ताच बोलायचंय? कॉल करा +91 73838 34343.

किंवा नंबर द्या, आम्ही कॉल करू

तुमचं दुकान
अजून माहिती द्या (optional)
तुम्हाला सगळ्यात जास्त काय हवंय? (गरजेचं नाही)

कॉल फ्री आहे. काही विकत घ्यायची सक्ती नाही, कार्ड लागत नाही.