फ्री डाउनलोड · बिल फॉरमॅट
मराठी बिल बुक फॉरमॅट: फ्री PDF, Excel आणि Word
दुकानाच्या बिलावर काय लिहायचं, आणि मराठी बिल फॉरमॅट कुठे मिळेल?
बिलावर दुकानाचं नाव, पत्ता आणि फोन, बिल नंबर आणि तारीख, ग्राहकाचं नाव, प्रत्येक वस्तूची ओळ (नग, दर, रक्कम), डिस्काउंट, एकूण आणि पेमेंट कसं झालं ते असतं. GST नोंदणी असलेल्या दुकानाच्या टॅक्स इन्व्हॉइसवर याशिवाय GSTIN, HSN, GST % आणि CGST + SGST हवं. खालून मराठी GST बिल (A4) आणि साधं बिल / कॅश मेमो (A5 बिल बुक साईज) PDF, फॉर्म्युलासह Excel आणि Word फ्री डाउनलोड करा, साइन-अपशिवाय.
कार्ड नाही · ॲपमध्ये जाहिराती नाहीत · तुमची बिलं, ग्राहक आणि उधारी तुमचीच: पैसे भरले नाहीत तरी काहीही डिलीट होत नाही
मराठी बिल फॉरमॅट डाउनलोड करा (फ्री, साइन-अपशिवाय)
| फॉरमॅट | मराठी | English | हिंदी | ગુજરાતી |
|---|---|---|---|---|
| GST बिल (टॅक्स इन्व्हॉइस): A4, प्रिंट करून हाताने भरा (20 ओळी) | PDF · 209 KB | PDF · 129 KB | PDF · 190 KB | PDF · 207 KB |
| GST शिवाय बिल / कॅश मेमो: A5 बिल बुक साईज (13 ओळी) | PDF · 173 KB | PDF · 111 KB | PDF · 163 KB | PDF · 180 KB |
| Excel, फॉर्म्युलासह: GST बिल, GST शिवाय बिल आणि HSN कोडची यादी | Excel · 9 KB | Excel · 8 KB | Excel · 9 KB | Excel · 9 KB |
| Word: दोन्ही बिलं, दुकानाचं नाव एकदा लिहा आणि प्रिंट करा | Word · 5 KB | Word · 4 KB | Word · 5 KB | Word · 5 KB |
PDF कोरे फॉर्म आहेत: प्रिंट करून हाताने भरा, किंवा प्रेसमध्ये देऊन बिल बुक छापून घ्या. Excel प्रत्येक ओळीची बेरीज करतं, एका पीसच्या किंमतीवरून 5% की 18% GST ते ठरवतं आणि एकूण राउंड करतं. Word मध्ये तोच फॉरमॅट आहे: दुकानाचं नाव, लोगो किंवा बदलून देण्याची अट लिहून छापा. फाइल तुमच्या दुकानासाठी हव्या तशा वापरा. हेच फॉरमॅट हिंदी, गुजराती आणि इंग्रजीतही आहेत (वरच्या टेबलमध्ये).

बिलावर काय लिहायलाच हवं
| तपशील | साधं बिल / कॅश मेमो (GST नाही) | GST बिल (टॅक्स इन्व्हॉइस) |
|---|---|---|
| दुकानाचं नाव, पत्ता, फोन | हो | हो, सोबत 15 अक्षरांचा GSTIN (महाराष्ट्रात 27 ने सुरू होतो) |
| बिल नंबर आणि तारीख | हो, क्रमाने | क्रमाने, 16 अक्षरांपर्यंत; एका आर्थिक वर्षात एक नंबर एकदाच |
| ग्राहक | नाव आणि मोबाईल (उधारी किंवा माल बदलून देताना कामी येतं) | ग्राहक GST नोंदणीकृत असेल तर त्याचा GSTIN; इतर ग्राहकांसाठी ₹50,000 किंवा जास्तच्या बिलावर नाव-पत्ता |
| वस्तूची ओळ | वस्तू, साईज / रंग, नग, दर, रक्कम | याशिवाय HSN, करपात्र रक्कम (डिस्काउंटनंतर), GST % |
| टॅक्स | टॅक्स नाही | राज्यातल्या विक्रीवर: CGST + SGST अर्धे-अर्धे |
| एकूण | एकूण, डिस्काउंट, देय रक्कम | एकूण, राउंड ऑफ, अक्षरी रक्कम |
| सही | गरजेची नाही, पण चांगली | दुकानदाराची सही |
कपड्याच्या दुकानात “साईज / रंग” कॉलम खूप कामाचा: ग्राहक माल बदलायला आला की बिलावरून लगेच कळतं कोणता पीस विकला होता. बिलाच्या खाली बदलून देण्याची अट (उदा. “7 दिवसांत बदलून मिळेल, टॅगसह”) सुद्धा लिहा.
उदाहरण: पुण्यातल्या कपड्याच्या दुकानाचं GST बिल
दर GST आधीचे आहेत. GST एका पीसच्या डिस्काउंटनंतरच्या किंमतीवरून ठरतो: ₹2,500 पर्यंत 5%, त्यापेक्षा जास्त 18%. वरच्या चित्रातलं नमुना बिल हेच आहे.
| वस्तू | साईज / रंग | HSN | नग × दर | डिस्काउंट | करपात्र रक्कम | GST | CGST + SGST | रक्कम |
|---|---|---|---|---|---|---|---|---|
| कॉटन कुर्ती | M / निळा | 6206 | 2 × ₹900 | — | ₹1,800 | 5% | ₹45 + ₹45 | ₹1,890 |
| जीन्स | 32 | 6203 | 1 × ₹1,500 | ₹100 | ₹1,400 | 5% | ₹35 + ₹35 | ₹1,470 |
| लेहेंगा चोळी | फ्री / मरून | 6204 | 1 × ₹3,200 | ₹200 | ₹3,000 | 18% | ₹270 + ₹270 | ₹3,540 |
| कॉटन साडी (कापड) | — | 5208 | 1 × ₹1,200 | — | ₹1,200 | 5% | ₹30 + ₹30 | ₹1,260 |
| एकूण | 5 नग | ₹300 | ₹7,400 | ₹380 + ₹380 | ₹8,160 |
लेहेंगा ₹3,200 चा होता, पण ₹200 डिस्काउंटनंतर ₹3,000 चा झाला, जो ₹2,500 पेक्षा जास्त आहे, म्हणून 18%. कुर्ती आणि जीन्स एका पीसला ₹2,500 पेक्षा कमी, म्हणून 5%. हाताने बिल लिहिताना सगळ्यात जास्त चूक इथेच होते. साडी आणि कापडावर (फॅब्रिक) 5% आहे. दर तुमच्या CA कडून खात्री करून घ्या. GST ची पूर्ण माहिती: GST बिल कसे बनवायचे.
ताग्यातून कापलेलं कापड: मीटरमध्ये बिल
ड्रेस मटेरियल, शर्टिंग-सूटिंगचं कापड ताग्यातून कापून विकता तेव्हा “नग” मध्ये लांबी लिहा (पुढे “m”) आणि “दर” मध्ये एका मीटरचा दर:
| वस्तू | प्रमाण | दर | रक्कम |
|---|---|---|---|
| कॉटन ड्रेस मटेरियल | 2.5 m | ₹120/m | ₹300 |
| अस्तर (लायनिंग) | 2 m | ₹60/m | ₹120 |
| एकूण | ₹420 |
Excel फॉरमॅट 2.5 × ₹120 इतर ओळींसारखंच मोजतं. कापडावर (फॅब्रिक) कोणत्याही दराला 5% GST आहे, मीटरवर ₹2,500 ची मर्यादा नाही. Tap & Bill ॲपमध्ये सेटिंग्ज → बिलिंग → “वजन / मीटरने विकल्या जाणाऱ्या वस्तू (kg, m, L)” चालू करा (प्रत्येक प्लॅनमध्ये, Free मध्येही), कापडाचं “कसे विकले जाते” मीटर ठेवा आणि दर प्रति मीटर. पावतीवर “2.5 m × ₹120/m” छापलं जातं. अजून नाही: कापडाचा स्टॉक मीटरमध्ये (स्टॉक नगात मोजला जातो).
बिल, कॅश मेमो की पावती: कधी कोणतं?
| कागद | कशासाठी | त्यावर काय |
|---|---|---|
| बिल / कॅश मेमो | GST नसलेल्या दुकानाची रोजची विक्री | वस्तू, नग, दर, एकूण; GSTIN किंवा टॅक्स नाही, आणि GST घ्यायचा नाही |
| टॅक्स इन्व्हॉइस | GST नोंदणी असलेल्या (रेग्युलर) दुकानाची विक्री | GSTIN, HSN, CGST + SGST |
| बिल ऑफ सप्लाय | कंपोझिशन असलेलं दुकान | “बिल ऑफ सप्लाय” आणि “composition taxable person, not eligible to collect tax on supplies” |
| पावती | पैसे मिळाल्याची नोंद: आगाऊ रक्कम, जुनी उधारी, डिपॉझिट | कोणाकडून, किती रुपये (अंकात आणि अक्षरी), कशासाठी, तारीख आणि सही |
GST नंबर नसताना बिलावर GST लिहू किंवा घेऊ नका. GST नंबर कधी घ्यावा लागतो ते तुमच्या CA ला विचारा; माहिती: GST नंबर नसेल तर कोणतं बिल? Tap & Bill मध्ये उधारीचे पैसे आले की ग्राहकाच्या खात्यात “वसूल करा” मध्ये नोंद होते आणि बाकी आपोआप कमी होते.
बिल बुक छापताना हे लक्षात ठेवा
- साईज: काउंटरवर पटकन लिहायला A5 (अर्धा A4) बरा; GST बिलात कॉलम जास्त असतात, म्हणून A4 चांगला.
- छापलेले नंबर: प्रेसवाल्याला प्रत्येक पानावर क्रमाने बिल नंबर आणि प्रत्येक बुकचा नंबर छापायला सांगा. नवीन आर्थिक वर्षात नवीन क्रम (उदा. 2026-27/0001).
- प्रती: ग्राहकाची आणि दुकानाची प्रत (कार्बन किंवा कार्बनलेस कागद). GST च्या नियम 48 प्रमाणे मालाच्या इन्व्हॉइसच्या तीन प्रती: Original for recipient, Duplicate for transporter, Triplicate for supplier. तुम्हाला किती लागतील ते CA ला विचारा.
- वर छापा: दुकानाचं नाव, पत्ता, फोन, GSTIN (असेल तर) आणि लोगो; खाली बदलून देण्याची अट आणि “धन्यवाद, पुन्हा भेट द्या”.
- भाषा: मराठी, इंग्रजी किंवा दोन्ही. बाहेरगावचे ग्राहक जास्त असतील तर वस्तूचं नाव इंग्रजीतही लिहा.
- आधी प्रूफ पाहा: GSTIN चं एक अक्षर चुकलं तरी पूर्ण बुक फुकट जाते.
मराठी Excel फॉरमॅटमध्ये बिल कसं बनवायचं: 5 स्टेप
फाइल डाउनलोड करा
खालून मराठी Excel, Word किंवा PDF डाउनलोड करा. Excel फोनच्या Excel मध्ये किंवा Google Sheets मध्येही उघडतं.
दुकानाची माहिती एकदा लिहा
दुकानाचं नाव, पत्ता, फोन आणि GSTIN (असेल तर) लिहून फाइल “कोरं बिल” म्हणून सेव्ह करा.
प्रत्येक पीसची ओळ
वस्तू, साईज / रंग, HSN, नग, GST आधीचा दर आणि डिस्काउंट लिहा. Excel मध्ये करपात्र रक्कम, GST %, CGST, SGST आणि रक्कम आपोआप येते.
बिल नंबर आणि तारीख
प्रत्येक बिलाला क्रमाने नवीन नंबर द्या (उदा. INV-0142); एका आर्थिक वर्षात एक नंबर एकदाच.
प्रिंट करा किंवा PDF बनवा
अक्षरी रक्कम लिहा, बिल प्रिंट करा किंवा PDF सेव्ह करा आणि त्याची प्रत ठेवा.
बिल बुक, Excel की मोबाईल ॲप?
| बिल बुक (हाताने) | Excel (ही फाइल) | बिलिंग ॲप (Tap & Bill) | |
|---|---|---|---|
| एका बिलाला वेळ | 2-4 मिनिटं, GST मोजायचा असेल तर जास्त | कॉम्प्युटरवर 1-2 मिनिटं | बहुतेक वेळा 30 सेकंदांपेक्षा कमी |
| GST 5% / 18% | तुम्ही मोजायचा | फॉर्म्युला मोजतो | प्रत्येक पीसवर आपोआप |
| बिल नंबर | छापलेला | तुम्ही लिहायचा | आपोआप क्रमाने |
| ग्राहकाला प्रत | कागद | प्रिंट किंवा PDF | थर्मल प्रिंट आणि WhatsApp वर PDF |
| आजची विक्री, उधारी | बेरीज स्वतः | स्वतः | रिपोर्टमध्ये आपोआप |
| खर्च | प्रेसचा खर्च | फ्री | ₹0 Free प्लॅन (महिन्याला 60 बिलं), किंवा ₹199/महिना पासून; GST वेगळा नाही |
Tap & Bill मध्ये सेटिंग्जमध्ये “बिलाची भाषा” मराठी ठेवली तर बिलाची PDF आणि कॉम्प्युटरवरून छापलेलं बिल मराठीत बनतं (“नग”, “दर”, “रक्कम”, “एकूण”). फोनवरून थेट Bluetooth किंवा Wi-Fi थर्मल प्रिंटरवर छापलेली पावती इंग्रजीत असते, कारण हे प्रिंटर मराठी अक्षरं छापू शकत नाहीत. GST टॅक्स इन्व्हॉइस, HSN आणि CGST + SGST आपोआप येतात; GST नंबर नसेल तर “GST नाही” निवडा आणि साधं बिल बनतं. मोबाईलवर बिल कसं बनतं: 4 स्टेप.
लक्षात ठेवा
- हे फॉरमॅट आणि Tap & Bill राज्यातल्या विक्रीसाठी (CGST + SGST) आहेत. दुसऱ्या राज्यात माल पाठवायचं IGST बिल, ई-इन्व्हॉइस किंवा ई-वे बिल Tap & Bill मध्ये नाही.
- HSN कोड आणि GST दर उदाहरणासाठी आहेत; तुमच्या मालासाठी CA कडून खात्री करा. हॉटेल, खानावळ किंवा सेवा देणाऱ्या व्यवसायाचे GST दर वेगळे असतात.