ફ્રી ફાઇલ · રોજનો હિસાબ
રોજમેળ: દુકાનનો રોજનો હિસાબ, ફ્રી Excel અને PDF સાથે
રોજમેળ એટલે શું અને કેવી રીતે લખાય?
રોજમેળ દુકાનનો રોજનો રોકડ હિસાબ છે. ડાબી બાજુ જમા: સવારની ઉઘડતી સિલક (પુરાંત જણસ) અને દિવસમાં આવેલા બધા પૈસા. જમણી બાજુ ઉધાર: ગયેલા બધા પૈસા અને રાત્રની બંધ સિલક (પુરાંત બાકી), જેથી બંને બાજુનો સરવાળો સરખો થાય. રોકડ અને બેંક / UPI અલગ લખો, ઉધાર વેચાણ ગ્રાહકના ખાતામાં રાખો, અને રાત્રે બંધ રોકડ સિલકને ગલ્લાની ગણેલી રોકડ સાથે મેળવો. નીચે ફ્રી ગુજરાતી Excel (ફોર્મ્યુલા સાથે) અને છાપવા માટે PDF છે.
ફ્રી રોજમેળ ડાઉનલોડ કરો (સાઇન-અપ વગર)
| ફાઇલ | અંદર શું છે | ડાઉનલોડ |
|---|---|---|
| રોજમેળ Excel | 4 શીટ: રોજમેળ (300 લાઇન, રોકડ અને બેંક / UPI અલગ, સિલક આપમેળે), ઉદાહરણ (નીચેનો દિવસ ભરેલો), રોજનો સારાંશ (31 દિવસ, ગલ્લામાં ગણેલી રોકડ અને ફરક), વર્ષ (દિવાળીથી દિવાળી) (કારતકથી આસો, આગલા મહિનાની સિલક આપમેળે) | rojmel-gu.xlsx |
| રોજમેળ PDF (A4) | પાનું 1: એક દિવસ, ડાબી બાજુ જમા અને જમણી બાજુ ઉધાર, નોટ ગણતરી અને ગલ્લાનો મેળ. પાનું 2: વર્ષનો સારાંશ અને લખવાના 6 નિયમ. જેટલા દિવસ જોઈએ એટલી કૉપી છાપો. | rojmel-gu.pdf |
Excel, Google Sheets અને મોબાઇલના Excel માં ખૂલે છે. ફક્ત સફેદ ખાનામાં લખો; રંગીન ખાના ફોર્મ્યુલા છે. હિન્દીમાં રોજના હિસાબની શીટ જોઈએ તો रोज़ का हिसाब (PDF और Excel) જુઓ.

રોજમેળ એટલે શું
દેશી નામામાં ત્રણ ચોપડા મુખ્ય છે: રોજમેળ (રોજના બધા વ્યવહાર તારીખ પ્રમાણે), ખાતાવહી (એ જ વ્યવહાર ખાતા પ્રમાણે: ગ્રાહક, સપ્લાયર, ભાડું) અને બેઠોમેળ (ઓછા વ્યવહારવાળા વેપારી માટે અઠવાડિયા કે મહિનાનો રોજમેળ). રોજમેળનું પાનું વચ્ચેથી બે ભાગમાં હોય છે:
| જમા બાજુ (ડાબી) | ઉધાર બાજુ (જમણી) | |
|---|---|---|
| શું લખાય | આવેલા પૈસા | ગયેલા પૈસા |
| પહેલી લાઇન | ઉઘડતી સિલક (પુરાંત જણસ) | — |
| છેલ્લી લાઇન | — | બંધ સિલક (પુરાંત બાકી) |
| સરવાળો | બંને બાજુ સરખો | બંને બાજુ સરખો |
અંગ્રેજી કૅશ બુકમાં Receipts ડાબી અને Payments જમણી બાજુ હોય છે; દેશી નામામાં જમા ડાબી બાજુ જ લખાય છે. રોજમેળ દરરોજ પૂરો થાય, અને દરરોજની બંધ સિલક બીજા દિવસની ઉઘડતી સિલક બને.
રોજમેળ લખવાની રીત: 6 સ્ટેપ
નવું પાનું, ઉઘડતી સિલક
ઉપર તારીખ લખો. જમા બાજુ (ડાબી) પહેલી લાઇનમાં ઉઘડતી સિલક (પુરાંત જણસ): ગઈ કાલની બંધ સિલક, રોકડ અને બેંક અલગ.
પૈસા આવ્યા: જમા બાજુ
રોકડ વેચાણ, UPI અને કાર્ડ વેચાણ, જૂના ઉધારની વસૂલી, બીજી આવક: દરેક એ જ સમયે, રકમ અને વિગત સાથે.
પૈસા ગયા: ઉધાર બાજુ
માલનું પેમેન્ટ, ભાડું, પગાર, લાઇટ બિલ, ચા-નાસ્તો, ટેમ્પો, માલિકનો ઉપાડ, માલ પરતના પૈસા. બેંકમાં રોકડ ભરો તો બંને બાજુ.
ઉધાર વેચાણ અલગ
જે બિલના પૈસા આવ્યા નથી તે રોકડમાં નહીં; ગ્રાહકના ખાતામાં (ખાતાવહી કે ઉધાર યાદી) લખો. પૈસા આવે ત્યારે જમા બાજુ “ઉધાર વસૂલી”.
બંધ સિલક અને સરવાળો
રાત્રે બંધ સિલક (પુરાંત બાકી) = જમાનો સરવાળો − ઉધારનો સરવાળો. એને ઉધાર બાજુ છેલ્લે લખો, જેથી બંને બાજુનો સરવાળો સરખો થાય.
ગલ્લો ગણીને મેળવો
ગલ્લાની નોટ અને સિક્કા ગણો. ગણેલી રોકડ બંધ રોકડ સિલક જેટલી જ હોવી જોઈએ; ફરક આવે તો એ જ રાત્રે કારણ શોધો.
ઉદાહરણ: સાડીની દુકાનનો એક દિવસ
સવારે ગલ્લામાં ₹5,000 અને બેંકમાં ₹42,000 હતા. દિવસના વ્યવહાર (બનાવટી આંકડા):
| વિગત | જમા: રોકડ | જમા: બેંક / UPI | ઉધાર: રોકડ | ઉધાર: બેંક / UPI |
|---|---|---|---|---|
| ઉઘડતી સિલક (પુરાંત જણસ) | ₹5,000 | ₹42,000 | ||
| રોકડ વેચાણ (બિલ 101 થી 118) | ₹18,400 | |||
| UPI અને કાર્ડ વેચાણ | ₹22,650 | |||
| રમેશભાઈ, જૂનું ઉધાર પાછું | ₹2,000 | |||
| ચા-નાસ્તો, ટેમ્પો, મજૂરી | ₹920 | |||
| સપ્લાયરને માલનું પેમેન્ટ | ₹30,000 | |||
| બેંકમાં રોકડ ભરી | ₹15,000 | ₹15,000 | ||
| ઘર ખર્ચ માટે ઉપાડ | ₹2,000 | |||
| બંધ સિલક (પુરાંત બાકી) | ₹7,480 | ₹49,650 |
રોકડ: ₹5,000 + ₹18,400 + ₹2,000 − ₹920 − ₹15,000 − ₹2,000 = ₹7,480. બેંક: ₹42,000 + ₹22,650 + ₹15,000 − ₹30,000 = ₹49,650. રાત્રે ગલ્લામાં બરાબર ₹7,480 ગણાવા જોઈએ. બેંકમાં ભરેલા ₹15,000 બંને બાજુ આવ્યા કારણ કે પૈસા દુકાનમાંથી ગયા નથી, ફક્ત ગલ્લામાંથી બેંકમાં ગયા. એ જ દિવસે મનીષાબેનને ₹3,200 નું ઉધાર બિલ બન્યું, પણ એ રોજમેળની રોકડમાં નથી: એ એમના ખાતામાં છે.
કઈ એન્ટ્રી કઈ બાજુ
| વ્યવહાર | રોજમેળમાં ક્યાં |
|---|---|
| રોકડ વેચાણ | જમા, રોકડ |
| UPI, કાર્ડ વેચાણ | જમા, બેંક / UPI |
| ઉધાર વેચાણ (પૈસા બાકી) | રોકડમાં નહીં; ગ્રાહકના ખાતામાં (ઉધાર યાદી) |
| જૂના ઉધારની વસૂલી | જમા, જે રીતે આવ્યા તે કૉલમમાં |
| માલનું પેમેન્ટ, ભાડું, પગાર, લાઇટ બિલ | ઉધાર, જે રીતે આપ્યા તે કૉલમમાં |
| ચા-નાસ્તો, ટેમ્પો, મજૂરી | ઉધાર, રોકડ |
| બેંકમાં રોકડ ભરી | બંને: રોકડ ઉધાર, બેંક જમા |
| બેંકમાંથી રોકડ ઉપાડી | બંને: બેંક ઉધાર, રોકડ જમા |
| માલ પરત, પૈસા પાછા આપ્યા | ઉધાર, જે રીતે આપ્યા તે કૉલમમાં |
| માલિકે ઘર માટે લીધા (ઉપાડ) | ઉધાર |
રોજમેળ બુક: દિવાળીથી દિવાળી
ગુજરાતમાં ઘણી દુકાનો હજી નવો ચોપડો દિવાળીએ શરૂ કરે છે: ધનતેરસ-દિવાળીએ ચોપડા પૂજન અને બેસતા વર્ષથી નવો રોજમેળ, કારતકથી આસો સુધી. આ વર્ષે દિવાળી 8 નવેમ્બર 2026 (રવિવાર) છે, અને એ પછી સંવત 2083 શરૂ થાય છે. Excel ની “વર્ષ (દિવાળીથી દિવાળી)” શીટમાં દરેક મહિનાનો સરવાળો લખો; આગલા મહિનાની બંધ સિલક આપમેળે પછીના મહિનાની ઉઘડતી સિલક બને છે.
આવકવેરા માટે ધ્યાન રાખો: 1989 થી બધા કરદાતાનું વર્ષ 1 એપ્રિલથી 31 માર્ચ છે. પોતાનો ચોપડો દિવાળીથી રાખી શકો, પણ ITR માટે આવક એપ્રિલ-માર્ચની ગણાય. એટલે 31 માર્ચની રાત્રે રોકડ સિલક, બેંક સિલક, ઉધાર બાકી અને સ્ટોક અલગ લખી રાખો. સ્ટોકની કિંમત કેવી રીતે કાઢવી: क्लोजिंग स्टॉक कैसे निकालें (હિન્દીમાં).
રોજમેળ બુક, Excel કે એપ?
| રોજમેળ બુક (ચોપડો) | Excel (આ ફાઇલ) | બિલિંગ એપ (Tap & Bill) | |
|---|---|---|---|
| ખર્ચ | ચોપડાનો ભાવ | ₹0 | ₹199/મહિનાથી |
| સરવાળો અને સિલક | હાથથી | આપમેળે | વેચાણ અને ગલ્લો આપમેળે |
| વેચાણ લખવું | દરેક બિલ ફરી લખવું પડે | દરેક બિલ ફરી લખવું પડે | બિલ બને એટલે આપમેળે, રોકડ / UPI / ઉધાર અલગ |
| ગલ્લાનો મેળ | હાથથી ગણતરી | શીટમાં ફરક | “ગલ્લામાં કેટલા હોવા જોઈએ” અને ફરક, સ્ટાફ ગણે ત્યારે એમને આંકડો દેખાતો નથી |
| ભાડું, પગાર, ખર્ચ | હા | હા | હા: “ખર્ચ” (દરેક પેઇડ પ્લાન), “પગાર” (Starter થી) |
| બેંક એન્ટ્રી | હા | હા | ના (રોજમેળ કે CA નું સોફ્ટવેર રાખો) |
| ખોવાય કે બગડે | જોખમ | ફાઇલનો બૅકઅપ રાખો | ક્લાઉડમાં, ફોન કે કમ્પ્યુટર પરથી |
Tap & Bill માં રોજમેળનો કેટલો ભાગ આપમેળે
રોજમેળમાં સૌથી વધારે લાઇન વેચાણની હોય છે. Tap & Bill માં દરેક બિલ બને ત્યારે જ રોકડ, UPI, કાર્ડ, મિશ્ર કે ઉધારમાં ગણાય છે, એટલે એ લાઇન ફરી લખવી પડતી નથી:
| રોજમેળની લાઇન | Tap & Bill માં ક્યાં |
|---|---|
| રોકડ વેચાણ, UPI / કાર્ડ વેચાણ | “વેચાણનો હિસાબ” (આજે / અઠવાડિયું / મહિનો) → “ચુકવણી”: રોકડ, UPI, કાર્ડ અલગ |
| ઉધાર વેચાણ અને વસૂલી | “ઉધાર આપ્યું”, “ઉધાર વસૂલ્યું”, “ઉધાર વસૂલવાનું બાકી” (બધા ગ્રાહકોની યાદી) |
| ગલ્લામાંથી ચા-નાસ્તો, ટેમ્પો, મજૂરી | “ગલ્લો (દિવસ બંધ)” → “આજે ગલ્લામાંથી આપ્યા” (દરેક ખર્ચ નોંધ સાથે) |
| બંધ રોકડ સિલક અને ગલ્લાનો મેળ | “ગલ્લામાં કેટલા હોવા જોઈએ” અને “ફરક”: ઓછા, વધારે કે મેળ ખાય છે |
| કાલની ઉઘડતી રોકડ | “કાલ માટે ગલ્લામાં રાખો”; બીજા દિવસે એ જ “શરૂઆતની રોકડ” બને |
| ઘરે કે બેંકમાં લઈ ગયા | ગણેલી રોકડ − કાલ માટે રાખેલી = “ઘરે / બેંકમાં લઈ ગયા” (પાછલા દિવસોમાં દેખાય) |
દુકાન બંધ કરતી વખતે: કમ્પ્યુટરમાં મેનુમાંથી “ગલ્લો (દિવસનો હિસાબ)” ખોલો, કે Android એપમાં હિસ્ટ્રી ટૅબમાંથી “દિવસ બંધ કરો (ગલ્લો ગણો)”. ₹500 થી ₹10 ની નોટ અને સિક્કા ગણો (કે ટોટલ લખો), આજે ગલ્લામાંથી આપેલા પૈસા નોંધ સાથે ઉમેરો, કાલ માટે કેટલા રાખો છો તે લખો અને “દિવસ બંધ કરો” દબાવો. માલિકને ગણતરી દેખાય છે:
| ગલ્લામાં કેટલા હોવા જોઈએ | ઉદાહરણ |
|---|---|
| શરૂઆતની રોકડ | ₹5,000 |
| + રોકડ વેચાણ | ₹18,400 |
| + રોકડમાં ઉધાર વસૂલી | ₹2,000 |
| − રોકડ પરત (રિટર્ન) | ₹0 |
| − ગલ્લામાંથી ખર્ચ | ₹920 |
| હોવા જોઈએ | ₹24,480 |
એપની રીતમાં બેંકમાં ભરવાના અને ઘરે લઈ જવાના પૈસા ગણતરી પછી કાઢો: ગલ્લામાં ₹24,480 ગણો, “કાલ માટે ગલ્લામાં રાખો” માં ₹7,480 લખો, અને બાકીના ₹17,000 (₹15,000 બેંક + ₹2,000 ઘર ખર્ચ) “ઘરે / બેંકમાં લઈ ગયા” માં દેખાય. દિવસ દરમિયાન ગલ્લામાંથી કંઈ આપો તો “આજે ગલ્લામાંથી આપ્યા” માં નોંધ સાથે લખો. સ્ટાફ ગલ્લો ગણે ત્યારે એમને “હોવા જોઈએ” આંકડો દેખાતો નથી; ફરક ફક્ત માલિક જુએ. “પાછલા દિવસો” માં 7, 30 કે 90 દિવસના ઓછા-વધારે દેખાય, અને માલિક છેલ્લા 62 દિવસની ગણતરી સુધારી શકે. ગલ્લો અને વેચાણ રિપોર્ટ દરેક પ્લાનમાં છે, Basic ₹199 માં પણ.
- બિલ ઑફલાઇન બને તો પણ ગલ્લો બંધ કરવા ઇન્ટરનેટ જોઈએ, જેથી બધા બિલ ગણાય.
- અઠવાડિયા અને મહિનાના આંકડા “વેચાણનો હિસાબ” માંથી “CSV ડાઉનલોડ કરો” થી Excel માં લઈ જઈ શકાય.
- Starter (₹499) અને ઉપરના પ્લાનમાં રોજનો વેચાણ રિપોર્ટ તમારા WhatsApp પર પણ આવે છે.
ગલ્લો ગણવાની વિગતે રીત (હિન્દીમાં): गल्ले का हिसाब कैसे मिलाएं. સુવિધાનું પેજ (અંગ્રેજી): Galla day close.
એપમાં શું નથી
- ભાડું, લાઇટ બિલ જેવા ખર્ચ એપના “ખર્ચ” માં અને પગાર “પગાર” માં (Starter થી) રાખી શકાય; બેંક એન્ટ્રી માટે રોજમેળ (આ Excel) કે CA નું એકાઉન્ટિંગ સોફ્ટવેર રાખો. સપ્લાયરના બિલ અને આપેલા ચેક એપના સપ્લાયર બિલ અને ચેક રજીસ્ટરમાં રાખી શકાય (ફક્ત માલિક).
- હિસાબ સાથે જોડાયેલાં ખરીદ બિલ, નફો-નુકસાન અને બેલેન્સ શીટ નથી. GST રિપોર્ટ CA ની મદદ માટે છે; રિટર્ન એપ ફાઇલ કરતી નથી.
- ઉધાર ફક્ત બિલમાંથી આવે છે; બિલ વગરની અલગ ઉધાર એન્ટ્રીનો પૂરો ખાતાવહી ચોપડો નથી.
- iPhone એપ નથી; iPhone કે iPad પર બ્રાઉઝરમાં વેબ વર્ઝન ચાલે છે.